Baserria eta gure lana

2001. urtean hasi ginen nekazaritza ekologikoaren ekoizpenarekin, Astigarragako gure Lizardi Baserrian.

Nekazaritza konbentzionalean urteetan lan egin ondoren, urte horretan baratzeko lana eta gure barazkien ekoizpena ulertzeko modua aldatu genuen. Orduan erabaki genuen guk, Joxean Olanok eta Jabi Loyartek, gure lana uztea, eta nekazaritza ekologikoan murgildu ginen guztiz.

Lehenengo, ikastera joan ginen, eta Iruñeko Agustin Beroizen baratzean aritu ginen praktikatzen urtebete luzez. Fraisoroko nekazaritza eskolan ere ibili ginen gaia lantzen.

Orain arteko urteetan gure baratzeak eman digun ikaskuntza onenaren ondoren, eta Joxeanen ama, Mari Carmenen laguntzarekin... Hemen gaude gure barazki onenak eskaintzeko.

Gure fruitu eta barazki guztiak nekazaritza ekologikoko arau guztiak errespetatuz lortzen ditugu.

Gure produktu propioak prestatzen ditugu belar eta mineralekin lurra indartzeko eta gure laborantzak babesteko izurrite eta gaixotasunetatik.

Gure baratzeak modu artisauan lantzen ditugu, eta, lurra aberasteko, gure konposta lantzen dugu.

Gainera, kontsumo energetikoko ereduen alde egiten dugu, gure kasuan, eguzki-plaken alde, iraunkortasunaren alde.

Bisita gaitzazu San Martinen dugun postuan eta egiazta ezazu gure barazkien kalitatea.

Zure zain gaude